Festival de Nadal 2015

Este curso a celebración do Nadal estivo chea de actuacións memorables no noso habitual festival.

O centro engalanouse para a ocasión coma noutros anos, coa arboriña, un Belén e as tarxetas que participaron no concurso.

Os gañadores do concurso recibiron agasallos:

Pero ademais houbo moitas actuacións: música, baile, acro-sport...pero o más emocionante foi a homenaxe a Xosé Neira Vilas, recentemente falecido. Alumnos do Club de Lectura fixeron unha lectura de momentos da vida de Balbino, o protagonista de Memorias dun neno labrego. Todos eles eran Balbino.

Déixovos unhas fotos de todos estes momentos.

Noraboa a participantes e organizadores! 

E agora quedamos citados para o próximo proxecto "1ooo grúas pola Paz", organizado pola profesora dona Mª Rosa Vázquez, o grupo de papiroflexia e todo o instituto!

Vémonos en xaneiro!

Monólogos de Nadal

"Desexa un bo Nadal en Galego"

Concurso de tarxetas de Nadal

Haberá dúas modalidades:

1ª MODALIDADE: Podedes utilizar as técnicas habituais: collages, carbonciño, montaxes...

• Os traballos entegaranse a calquera profesor/-a de Lingua Galega ou do EDL.
• Serán expostos na entrada do Instituto.

2ª MODALIDADE: Tamén podedes facer tarxetas dicitais (JPG, PNG...) ou presentacións con Power Point.

• Os traballos enviaranse a profelinguagalega@gmail.com
• As mellores subiranse a este blog e a tarxeta gañadora utilizarase de felicitación institucional do IES Xesús Ferro Couselo.

(Tedes un titorial de como crear tarxetas con Libreoffice impress a continuación)

O Xurado:

• Estará integrado por profesores, persoal non docente e alumnado non participante no concurso. Emitirá o seu voto depositando un papeliño na urna preparada para tal fin.
• Poderá declarar desertos os premios no caso de considerar que non reúnan a calidade necesaria.

O prazo de presentación rematará o 11 de decembro.

Haberá tres premios: 
                    1º premio: camiseta, libro e material escolar.
                    2º premio: libro e material escolar.
                    3º premio: material escolar.

O fallo do xurado darase a coñecer durante o Festival de Nadal, día que tamén se fará a entrega de premios.


ANIMÁDEVOS E PARTICIPADE!

Titorial elaborado por: Paloma Losada Romero:

Magosto 2015

O luns día 16 deste mes de santos celebramos pola tarde no instituto a festa do magosto. Encargáronse de organizala o alumnado de 4ºESO e a ANPA. Os primeiros venderon entradas para sacar uns cartiños para a súa excursión de final de curso. Estes tickets daban dereito a unha comilota de bolo preñado, bebida e sobremesa a base de deliciosas bicas e roscóns. E abofé que non faltaron as castañas asadas!

Das viandas encargouse a ANPA. A todos eles lles damos as grazas pola súa dedicación e interese. Todo saíu perfecto!

Ademais houbo tempo de participar en xogos populares: carreiras de sacos, saltar a corda, o xogo da cadeira, o brilé, o xogo do pano e, por suposto, partido de fútbol.

Vede nestas fotos o ben que o pasamos!

Preparando o lume:

Reparto dos petiscos:

A comer!!!

E os xogos:

Carreira de sacos.

Saltando a corda:

O Xogo das cadeiras:

Foi unha tarde de divertida confraternización entre alumnado, nais e pais e profesorado.

Grazas a todos por participar!

Se queres saber máis cousas dos magostos preme aquí.

Samaín 2015

Pois al final houbo unha boa participación no concurso de cabazas e adornos terroríficos. Velaquí a foto de como adornamos a entrada do noso instituto cos traballos presentados a concurso.

Feitas as votacións,  os resultados foron os seguintes:

1º premio:

Paula Carrera, de 2ºESO A

2º premio:

Paula Dorado e Zaira Rodríguez, de 1º ESO

3º premio:

Rebeca López, de 4º ESO

Todos os premiados:

 Premio na categoría "profesorado". O gañador foi D. Javier Mosteyrín.

Expectación no centro ante as cabazas dos concursantes:

Outras cabazas participantes:

Parabéns a todos os gañadores e participantes! 

E se queredes coñecer algo máis sobre a orixe desta festa, premede no seguinte enlace: A festa do Samaín.