Día da Música

O Club de lectura As catro esquinas do Quinto celebrou o día da patroa da música, santa Cecilia (22 de novembro) cun concurso-exposición sobre libros que tratan deste tema.

Tamén elaboraron un boletín con libros recomendados  de temática musical que están á vosa disposición.

Podedes ver as bases, o premio  e o boletín se pinchades aquí.

Déixovos unhas fotos para que  vexades a exposición:

Magosto

O día 9 celebramos o magosto no instituto. Foi unha boa ocasión para xuntarnos e asar e comer castañas e chourizos.

Tamén houbo tempo para unhas pachangas de fútbol e parolar un anaco.

Premios do Concurso de Cabazas

O pasado día 31, reunido o xurado (formado por profesores, dous alumnos de 4º ESO e persoal non docente), procedeuse a fallar o resultado do Concurso de Cabazas de Samaín, sendo o resultado o seguinte:

 1º PREMIO:

Iago Estévez Fernández, de 1º ESO B.

Entrega o premio a súa titora, Paloma.

 

Velaquí a cabaza gañadora, non é terrorífica?

1º PREMIO

2º PREMIO:

Lara Fernández Sierra, tamén de 1º ESO.

Esta tamén dá medo!

   

2º PREMIO

  

 3º PREMIO:

 Rebeca López López de 1º ESO B.

Esta cabaza é moi xeitosiña, quere disimular que é espeluznante!!!

3º PREMIO

  

No apartado de profesorado, a gañadora foi Almudena Platero:

A súa cabaza é moi corsaria, he he!!

 

   

Noraboa aos gañadores!! 

E a todos os participantes, grazas polo esforzo e seguide colaborando, o seguinte premio pode ser voso!

Vede o resto de cabazas concursantes:

Cabazas de Samaín

 

O alumnado de 1º ESO  tamén elaborou tarxetas de Samaín cos seus monstros favoritos.

A expectación durante a entrega de premios foi ben grande.

 

Ademais  destas actividades, o alumnado de 1º ESO, dentro do Proxecto Interdisciplinar, elaborou uns carteis con termos propios de Samaín escritos en galego, francés e inglés:

Déixovos aquí uns exemplos:

 

Gracias, de novo, a todos pola participación, e quedades emprazados para o próximo concurso, que ha ser o de tarxetas de nadal.

 

Libros animados

Mentres conclúe o prazo para a presentación das cabazas de Samaín, déixovos aquí uns vídeos sobre a utilidade e a fermosura das bibliotecas, sobre os libros e o pracer da lectura.
Cando lemos, semella que os libros toman vida ¿non si?

Lin por aí unhas citas que din así:

«Carecer de libros propios é o colmo da miseria»
(Benjamin Franklin)

«Sempre imaxinei que o Paraíso sería algún tipo de biblioteca»
(J.L. Borges)

Ler alimenta o espírito e apórtanos coñecementos:

Concurso de cabazas de Samaín

Para celebrar a festa do Samaín, convocamos un Concurso de cabazas de Samaín para todo o alumnado e profesorado.

Cabaza de Samaín

Haberá tres premios para as tres mellores cabazas dos alumnos e alumnas. Consistirá en material escolar e unha camiseta do instituto para cada un.

A mellor cabaza dos profes levará como premio unha camiseta do instituto e un libro.

Valorarase a dificultade e o horror que provoque o deseño.

A data límite de entrega é o luns 29 de outubro e os premios entregaranse o día 31 no segundo recreo.

Todas as cabazas participantes serán expostas no recibidor do centro.

P A R T I C I PA!!

Cabaza de Samaín

Curso 2012-13

     Xa estamos aquí un curso máis! Benvidos/as!!

As vacacións foron moi boas, non? Pero as follas do calendario caeron inexorables e un novo curso comenza. Vindes con ganas de aprender moitas cousas? E de gozar coa lectura, co teatro, cos concursos...?

Xa vexo que si! Ha ha ha!

Pois a verdade é que os integrantes do Equipo de Dinamización da Lingua Galega e o departamento de Lingua Castelá tamén empezamos con forza, porque o día 25 deste mes os alumnos e alumnas de 2º bacharelato asistiron á representación da obra de teatro Viaxe a ningunha parte, posta en escena por Sarabela teatro, que estreaba a obra en Ourense.

A peza, inspirada na novela de Fernando Fernán Gómez -da que tamén se fixo xa hai tempo unha película-, recolle a dura vida dos cómicos que ían de aldea en aldea e de vila en vila representando as súas pezas teatrais e advertindo como o cine lles ía roubando cada vez máis público ata case a súa decadencia. Gustoulles moito, segundo nos dixeron.

Desexamos seguir asistindo en máis ocasións á representación doutras obras de teatro.

A nosa lingua

     Botádelle un ollo a este libdup EU FALAREI do IES Chapela (Redondela).  É un traballo magnífico en defensa da Lingua Galega, pero tamén a denuncia da situación que vive a nosa lingua, que esmorece lentamente vendo recortada a súa presenza nos medios de comunicación ou na propia escola, e que día a día perde falantes entre a mocidade.

      Parabéns a toda a comunidade educativa dese centro. Detrás de actividades coma esta hai moito traballo non remunerado, moito labor persoal en favor do ensino público.

Ánimos a todos, e bo verán!