Derradeiros cómics do alumnado de 4º ESO

E finalmente aquí están os dous últimos cómics realizados por dúas alumnas de 4º ESO, de guión propio e editados en vídeo polo Equipo de Dinamización da Lingua Galega (EDLG).

O primeiro é o de  Sofía Pérez González, de 4ºESO B; titúlase Os Trolliantes.
Velaquí:



O segundo titúlase  A girl pandi do Ferro Couselo. Foi realizado por Ana Rosa Pato Rodríguez, de 4ºESO A.
 

Máis cómics

Seguimos a mostrarvos os cómics que realizou o alumnado de 4º ESO e que o Equipo de Normalización editou en vídeo.
 
Matemáticas, realizado por Míriam Zorelle Pinto, de 4º ESO, grupo A.

Secuestro, guión e factura de Rebeca López López, de 4º ESO B. 

 

"Antón de Cidrán" e "A rapaza do circo"

Seguimos con outros dous cómics realizados polos alumnos de 4º ESO e inspirados en obras dos nosos autores.

O primeiro cómic seguiu o texto "Antón de Cidrán", da obra Á lus do candil, de Ánxel Fole, e foi feito polo alumno Diego Vázquez Feijoo, e editado en vídeo polo Equipo de Dinamización da Lingua Galega (EDLG).

O segundo cómic inspirouse no relato "A rapaza do circo", da obra Vento ferido, de Carlos Casares. Realizouno a alumna Paula Martínez Quintas, de 4ºESO B.

Os próximos cómics que editaremos son con guión de elaboración propia.

Cómics sobre "O Pai de Migueliño"

Alumnos de 4º ESO realizaron como tarefa de clase a elaboración de cómics baseados en relatos de escritores galegos; tamén podían escribir guións de colleita propia.

Ao EDLG ocorréusenos editar con eles uns vídeos para dar a coñecer os traballos feitos.

Aquí vos deixamos os primeiros, tres versións do relato "O pai de Migueliño", da obra Cousas, de Afonso R. Castelao.

Obra de Jaimies Mosquera Páez:

Velaquí o vídeo feito sobre o cómic de Nuria Vázquez González: 

E a terceira versión é esta de Adrián González Vázquez:

 

Nos vindeiros días seguiremos colgando máis vídeos sobre outras obras.

Ledicia Costas: Premio Nacional de Literatura Infantil e Xuvenil

 

Esta novela de Lecidia Costas que estamos lendo en 1º ESO, foi gañadora do Premio Nacional de Literatura Infantil e Xuvenil. Para que saibades o que supuxo para a autora e para a literatura en lingua galega este premio, podedes premer aquí e escoitaredes a entrevista que concedeu á Radio Galega.

Festival do Entroido 2016

O venres 5 de febreiro iniciamos o Entroido cun concurso de máscaras que elaborou o alumnado de 1º da ESO. Despois fixemos o xa noso habitual desfile e concurso de disfraces, que este ano os propios alumnos presentaron como o I Concurso improvisado de disfraces, porque o certo é que non ensaiaron os típicos bailes e coreografías aos que nos tiñan acostumados. Con todo, houbo moitos traxes, algúns elaborados, e mesmo politicamente incorrectos (verdade alumnos de 2º BAC.? Fixeron unha coreografía ben divertida). A festa foi moi animosa, como podedes ver nestas fotos e no vídeo que elaboramos.

Vídeo do festival:

Día Escolar Da Paz e da Non Violencia 2016

Xa vos comentamos na anterior entrada que o grupo de papiroflexia do instituto ao mando da profesora dona Mª Rosa Vázquez, e coa colaboración de toda a comunidade educativa, preparou un proxecto para celebrar o día 30 de xaneiro o Día Escolar da Paz e da Non Violencia. Este proxecto foi elaborar "1000 grúas pola Paz".  O proxecto que iniciou a nena xaponesa Sadako Sasaki (vítima da bomba nuclear de Hiroxima en agosto de 1945) que enfermou de leucemia por efecto da radiación. Toda a historia de Sadako podedes vela nun vídeo que elaborou a profe Paloma para o Club de Lectura e que está na entrada do blog que podedes ver premendo AQUÍ.

O recibidor e a biblioteca do instituto adornáronse coas mil grúas.

Finalmente, o día 1 de febreiro na última hora de clase da tarde xuntámonos todos para falar e compartir esta experiencia, vimos vídeos, e alumnos e alumnas do club de Lectura recitaron os haikus que sobre a Paz crearon para nós.