Noelia Gómez é a autora deste vídeo, elaborado como
traballo para as clases de galego: «Tiñamos que facer algo sobre o
idioma e, como son de Rianxo e falo con seseo e gheada, ocorréuseme
reivindicar as peculiaridades da miña zona e, de paso, defender as
variantes do galego». Para desenvolver a súa idea, contou coa colaboración de
tres amigos de Imo, no veciño municipio de Dodro. Xunto coa propia
Noelia, Martín Piñeiro, Ana Rei e Carlos Rey póñenlle voz a situacións
cotiás coas que se atopan no seu día a día, e que lonxe das críticas ás
que en máis de unha ocasión tiveron que enfrontarse, revolven
empregando a lingua nai, tal e como a mamaron, sen disfraz algún.
(A voz de Galicia, 25-10-2014)
Si, é moi importante aprender a apreciar as variantes da lingua. Aos meus alumnos vigueses tamén lles sorprendía que eu dixera "irmao" ou "eiquí", igual que a mín me sorprendía a gheada e o seseo cando cheguei a Santiago (a pesar de telos estudiado no insti). Co tempo, e sobre todo coñecendo xente doutros sitios, acabas por apreciar as cualidades de cada xeito de falar, que todos teñen o seu encanto.
ResponderEliminarE para que apreciedes o encanto doutra das variantes do galego, déixovos aquí a "reacción solidaria e cómplice" que os alumnos de Ribadeo fixeron a este vídeo.
https://www.youtube.com/watch?v=aGjM_Js_nzg
E con isto xa temos mostras de dous dos tres grandes bloques dialectais galegos. Alguén se animará algún día a facer un vídeo sobre a variedade que falta...?
A ver se é certo e se animan. Colguei outra entrada co vídeo para que se fixen ben. De non ser así, non sería un bo proxecto para esta primavera? ;-)
EliminarMil primaveras máis para o galego!!