Día de Rosalía de Castro

 

Rosalía de Castro naceu o 24 de febreiro de 1937. Hai diso 184

anos. O día 24 de febreiro é o Día de Rosalía. Neste día celebramos con orgullo a obra desta insigne autora coa que a literatura galega recuperou o esplendor perdido durante os Séculos Escuros. Con ela comenza o Rexurdimento e tamén o sentimento de cantar o bo e o malo que sofre esta nosa terra.

Este curso, alumnado voluntario de 2º ESO, por iniciativa do departamento de LG, fixo súa unha imaxe icónica da autora e aportoulle a súa visión persoal. Coas ilustracións montamos un gran cadro para homenaxear a Rosalía. Quedou precioso!

O EDLG premiou a dúas alumnas polos seus debuxos. Son María Quintas Fernández, de 2º ESO A, e  Adriana De la Torre Morales, de 2º ESO B. Parabéns!

María Quintas

Adriana De la Torre

 Parabéns a todos e todas por partipar!

Tamén lemos algún poema de Rosalía en cada aula.

O ENTROIDO 2021

Un curso máis o alumnado de 1º da ESO participou nun concurso de máscaras de Entroido feitas con elementos de reciclaxe. O departamento de Educación Plástica e Visual promoveu esta actividade, que coordinou o EDLG. Saíu unha colección ben xeitosa.

Tralas votacións, os premiados foron:

1º premio:

Yerik Gael Suárez Dacosta, de 1º ESO B.

2º premio:

Adrián Blanco Fernández, de 1º ESO A

3º premio: 

Breogán Rodríguez Penín, de 1º ESO B.

Accésit:

Breogán Leiro Estévez, de 1º ESO A.

Parabéns aos gañadores e a todos e todas os participantes.

Tamén este curso, e a pesar das restricións pola COVID-19, os disfraces animaron o útima xornada  de clases antes dos días de lecer. Houbo risas e algún baile, gardando as distancias de seguridade, claro que si! Foi ben divertido!

Día da Muller e a Nena na Ciencia

 

O día 11 de febreiro celébrase o Día Internacional da Muller e a Nena na Ciencia. Xa no mes de decembro celebramos a exposición de EXXPERIMENTA EN FEMININO e agora os departamentos de Bioloxía e de Física e Química incidiron na importancia de espertar as vocacións científicas nas nenas, reivindicando o papel tantas veces oculto e silenciado das mulleres científicas. Para iso colocáronse carteis polos corredores do instituto e o alumnado do 1º ciclo da ESO elaborou carteis con datos de mulleres salientables neste eido.

 Ademais, e para que as alumnas se visualizaran nese papel, crearon coa axuda da profesora de Educación Física, un decorado tipo photocall para facer fotos imbuídas do espírito científico. Quedou moi xeitoso!

Por outro lado, e participando tamén co proxecto Donas de Si, o departamento de Xeografía e Historia traballou co alumnado o tratamento de mulleres silenciadas na Idade Media. Fixeron uns curiosos pergamiños con información que expuxemos polos corredores do centro. Moi bo traballo!