Tertulias literarias

Un ano máis apuntámonos ás Tertulias literarias con alumnado voluntario de 4º da ESO e de 1º Bacharelato. Estas tertulias organízaas a concellalía de educación do Concello de Ourense. Este curso  comenzamos co libro en castelán Mejor la ausencia, de Edurne Portela. Tivemos sesións preparatorias  e un luns  xantamos todos xuntos no instituto.

Como houbo doce centros e máis de douscentos alumnos e alumnas apuntados a esta interesante actividade, repartíronse as tertulias en tres tardes. Nós acudimos o día  19 de febreiro, e o día 21 veu a propia autora a charlar con todos nós.

Laura, Andrea, Laura, Elba, María, Alba.

Luísa, Mery, Alejandro ,Génesis, Lucía

A obra deu para unha posta en común moi intensa e participativa. Foi unha experiencia moi satisfactoria, onde os temas do maltrato no fogar, da irrupción das drogas no País Vasco nos anos 80, da Kale Borroka, da ETA, dos GAL... e todo xirando ao redor de Amaia, unha protagonista con luces e sombras.

A próxima tertulia terá como tema a novela Deixe a súa mensaxe despois do sinal de Arantza Portabales.

Día de Rosalía 2019

Para celebrar o Día de Rosalía, que sabedes que é o 24 de febreiro, día do seu nacemento, varios alumnos e alumnas de 1º de bacharelato B, leron poemas da escritora. A maioría pertencen ao seu poemario Follas Novas (1880). 

Con esta actividade, o EDLG e o IES Xesús Ferro Couselo queremos mostrar no 182 aniversario do seu nacemento, a nosa admiración e afecto pola autora máis universal das letras galegas.

Longa vida ás nosas letras!

E grazas a Laura, Jonathan, Ainhoa, Hugo, Rebeca, Isaac, Alejandro e María pola súa participación.

Velaquí os vídeos:

Laura González le "Daquelas que cantan as pombas i as frores"





Ainhoa Prieto le "Unha vez tiven un cravo". 




Hugo Fernández le "Pra a Habana V".

Rebeca Álvarez le "Tecín soia a miña tea".



Isaac Fabello le "Probe Galicia, non debes".



Alejandro Casas le "Vanidade".



María Domínguez despídese con "Vivir para ver".

Día dos Namorados

Que mellor maneira que manifestar o noso amor que facelo a través de fermosas palabras dos nosos autores!

O alumnado do noso instituto seleccionou poemas de amor de varios autores e autoras galegos. Despois algúns alumnos do EDLG montaron con eles un mural  no vestíbulo do centro para que toda a comunidade escolar poida gozar deles.

O amor abrangue moitos campos da nosa vida. En calquera deles... amade moito!

Feliz Día do Amor e dos Namorados!

Ademais o Equipo da Biblioteca tivo a idea de axudarnos a dicir esas fermosas palabras de amor con poemas en diversas linguas. Como dixemos, se tes a persoa, nós ofrecémosche as palabras de amor para que llas ofrezas.

Tamén adornamos as cristaleiras do instituto con corazóns que contiñan frases de cancións de amor.

Día da muller e a nena na Ciencia

O departamento de Física e Química organizou unha visita ao campus universitario para os cursos de 4º ESO e de 1º Bacharelato de Ciencias no Día da nena e a muller científica. 

No marco da conmemoración do Día da Muller e a Nena na Ciencia, a Escola Superior de Enxeñería Informática, a Escola de Enxeñería Aeronáutica e do Espazo, a Facultade de Ciencias, o Vicerreitorado do Campus de Ourense e a Unidade de Igualdade da UVigo organizaron a II Edición de "EXXperimenta en feminino", que reuniu a noventa investigadoras e alumnas das titulacións científicas e tecnolóxicas que participan en proxectos para mostrar a alumnos e alumnas de ESO e Bacharelato de centros de Ourense, as hipóteses sobre as que traballan, os avances conseguidos e as diferentes liñas de investigación nas que están implicadas. A feira, que se celebrou o día 6 de febreiro, tivo formato divulgativo e co obxectivo de fomentar as vocacións científico-tecnolóxicas entre a mocidade, facendo fincapé na visibilización das mulleres que traballan nestas áreas.

Foi unha experiencia moi gratificante e produtiva. Déixovos aquí algunhas fotos desa visita.