O rap da COVID-19

Endika Zalbidea

O noso alumno Endika Zalbidea Amigo, de 2º ESO A,  gravou para a clase de lingua galega un rap inspirándose nos sentimentos, situacións e dificultades que estamos a vivir debido ao coronavirus. No confinamento que gardamos,  e a pesar das preocupacións e a alteración que nas nosas vidas isto provoca,  abrollan estas  mangníficas creacións.

Parabéns, Endika!

Se o queredes escoitar, premede  en AQUÍ .

Resitiremos a COVID-19

E tes a vida organizada e sucede que a vida cha descoloca. Descolocóunola a todos o coronavirus na súa doenza, a COVID-19.

Estamos a traballar desde casa, alumnado e profesorado, nunha experiencia que é para todos novidosa, por veces frustrante, outras extenuante e moitas gratificante. Grazas a todos e todas polo voso esforzo e bo comportamento durante estas semanas de confinamento.

Os profesores e profesoras do instituto quixemos darvos ánimos gravando un vídeo coa xa arquicoñecida versión 2020 de Resistiré do Dúo Dinámico. A profesora Ana Mª López, de Educación Física, encargouse de montar as imaxes que lle enviamos e o resultado é moi divertido, penso eu.

Aquí volo deixo para que o gocedes; con el querémosvos enviar unha grande aperta de ánimo e alento.

Disto sairemos máis fortes!

Nadal 2019: concurso de tarxetas e festival

No mes de Nadal sempre adoitamos adornar o vestíbulo e corredores do instituto. O equipo da biblioteca montou unha arboriña orixinal, neste caso con tomos de dicionarios e enciclopedias, compendio do saber. Despois, o alumnado de clase de relixión fixo estrelas de papel con peticións, desexos ou reflexións sobre o que significa o Nadal para eles. Finalmente, houbo o tradicional concurso de tarxetas de Nadal para o alumnado de 1º ESO e o festival.

Os premiados no concurso de tarxetas foron:

1º premio para a tarxeta de María Quintas  Fernández, de 1º ESO B.

2º premio para   Álex Núñez Crespo, de 1º ESO C

3º Premio para Nicolás Montero Rodríguez, de 1º ESO C.

Parabéns aos gañadores e tamén para todos os que participaron!

María e Nicolás

Álex e Nicolás

No festival de Nadal, que celebramos o día 20, houbo moitas actuacións musicais, con bailes e coreografías. Deixamos aquí unha pequena mostra.

Erasmus Plus

O instituto este curso embarcouse nun programa emocionante, unha aventura que ata o da agora foi moi satisfactoria e frutífera: o programa Erasmus Plus. Os nosos socios son centros que pertencen a Ziebice (Polonia) e Aydin (Turquía).

En novembro viñeron visitarnos profesorado e alumnado de ambos países. Os alumnos e alumnas instaláronse con familias do noso alumnado. Houbo un montón de actividades que desde vicedirección e un equipo de traballo organizaron. O tema é a loita contra o acoso escolar co lema Adeus bullying, ola amigo.

Houbo recepcións nos concellos de Barbadás e de Ourense, saídas culturais (a Santiago de Compostela, ao Museo da Gaita...), xornadas gastronómicas (no IES  de Vilamarín), celebramos xuntos o magosto; fixemos a gravación conxunta dun Lip Dub contra o acoso escolar e un festival onde compartimos música galega, algo moi emotivo, pois tocaron conxuntamente cancións galegas profesorado e alumnado visitante e propio.

Velaquí un breve vídeo con algunhas desas cancións que compartiron con nós os visitantes.

Na semana do 3 ao 9 de febreiro seremos nós quen acudamos ao instituto de Ziebice en Polonia para vivir esa experiencia. Será unha inesquecible vivencia tanto para o profesorado como para o alumnado asistente.

Festival do Entroido 2017

O Entroido chegou ao IES Xesús Ferro Couselo con máis animación e música ca nunca.

Aquí vos deixamos un vídeo que recolle os vosos disfraces e grandes momentos.

Ata o vindeiro Entroido!

Festival de final de curso (2015-16)

O día 22 de xuño celebramos con varias actividades este final de curso 2015-16.

Empezamos coa representación dunha adaptación de Anxélica ás portas do ceo, obra de Eduardo Blanco Amor, a cargo do noso grupo  O Quinto Teatro. María, Verónica, Yanelfy, Yaiza e Daniel ( de 1º e de 2º ESO) encarnaron eses tenros personaxes. Encargáronse de maquillaxe, son, iluminación e decorados alumnado de 4º ESO.

A continuación houbo un baile e unha actuación musical:

Rematamos esta xornada coa cata e resolución do concurso de cociña Receitas que resucitarán os mortos.

A convocatoria foi un éxito. Presentáronse moitísimos pratos e para o xurado foi ben complicado escoller as receitas gañadoras. Velaquí algúns dos pratos presentados:

O xurado na cata:

Os premios:

E finalmente os gañadores foron os seguintes:

Na Modalidade A cociña de Escarlatina (receitas baseadas nas que aparecen na novela Escarlatina, a cociñeira defunta, de Ledicia Costas, Premio Nacional de Literatura Infantil e Xuvenil 2015) o premio foi para as galletas Cookies de Gerardo Barge Ferreiro, de 1º ESO A.

Na modalidade xeral houbo dos premios:

o 1º Premio foi para a Bomba de chocolate de Sofía Pérez González, de 4º ESO B.

 O segundo premio logrouno Daniel Ferradás Rodríguez co seu polo rebozado:

Velaquí os tres gañadores:

Detalle dun dos mandís incluídos no premio:

E coa entrega dos premios damos por rematadas as actividades do Equipo de Normalización Lingüística deste curso escolar, desexando que pasedes un bo verán e que non deixedes de ler en galego e de falar a nosa lingua!

Bo verán e feliz descanso!