Plan Proxecta: "Proxecto Ríos"

O departamento de LG participou este curso no PLAN PROXECTA co Proxecto Ríos. Coñecendo os nosos ríos: o Barbaña (aceptado pola Dirección Xeral de Educación, Formación Profesional e Innovación Educativa. Xunta de Galicia), xunto cos departamentos de Bioloxía e Xeoloxía, Física e Química, Xeografía e Historia e Educación Plástica e Visual. No nivel de 3º ESO tratamos na materia de LG a importancia dos ríos na cultura e economía galegas (a través da importancia dos muíños, lavadorios, etc. Tamén a lingua (adiviñas e poemas que traten dos ríos ou da súa presencia...).

O resultado foi unha selección de poemas que os alumnos e alumnas de 3º ESO escribiron en cartolinas de cores. Tamén recolleron datos sobre muíños de ríos e regatos cercanos. Un alumno gravou  un vídeo.

Velaquí están preparando os poemas:

Vídeo de Jorge Blanco Nieto, de 3º ESO B, sobre o Muíño do Pontillón, no concello de Pereiro de Aguiar (Ourense)

O EDLG decidiu agasallar aos alumnos/as que máis se esforzaron nos traballos, sendo estes os que traballaron sobre os muíños.

Velaquí algunhas fotos dos muíños:

Muíño da Boutureira, no río Barbaña, en san Cibrán das Viñas. Fotos de María Soutullo Moreno (3º ESO A):

Muíño da Corga de Porto de Albor, en Padrenda (Ourense) fotos de Laura Míguez de Francisco, de 3º ESO B.

Muíño do río Fragoso, en Lobeira (Sabariz), fotos de Antía Alonso Álvarez, de 3º ESO A

Muíño do regato do cura (Barbadás). Fotos de Gabriel Augusto, de 3º ESO A

Muíño de San Cibrán das Viñas, no río Barbadás. Fotos de Noa Fernández Alonso, de 3º ESO A:

Lavadoiro do río Niñodaguia, en Xunqueira de Espadanedo (Ourense), recollido por Paula Orbán, de 3º ESO B:

Muíño no río Mao, en Lobios (Ourense), de Candela Pérez, de 3º ESO B.

Muíño do regato do monte das Cantariñas, ne Vilar de Santos (Ourense), recollido por Nerea Fernández, de 3º ESO B:

Poemas sobre ríos:

Adiviñas sobre os ríos: 

Día de Rosalía 2019

Para celebrar o Día de Rosalía, que sabedes que é o 24 de febreiro, día do seu nacemento, varios alumnos e alumnas de 1º de bacharelato B, leron poemas da escritora. A maioría pertencen ao seu poemario Follas Novas (1880). 

Con esta actividade, o EDLG e o IES Xesús Ferro Couselo queremos mostrar no 182 aniversario do seu nacemento, a nosa admiración e afecto pola autora máis universal das letras galegas.

Longa vida ás nosas letras!

E grazas a Laura, Jonathan, Ainhoa, Hugo, Rebeca, Isaac, Alejandro e María pola súa participación.

Velaquí os vídeos:

Laura González le "Daquelas que cantan as pombas i as frores"





Ainhoa Prieto le "Unha vez tiven un cravo". 




Hugo Fernández le "Pra a Habana V".

Rebeca Álvarez le "Tecín soia a miña tea".



Isaac Fabello le "Probe Galicia, non debes".



Alejandro Casas le "Vanidade".



María Domínguez despídese con "Vivir para ver".

Poesía con Yolanda Castaño

 

Dentro do marco das actividades para celebrar o Día das Letras Galegas, recibimos unha invitación por parte da Casa da Cultura da Valenzá (Barbadás ) para acudir ao recital multimedia de poesía por parte da escritora Yolanda Castaño.

Acudimos con moito gusto co alumnado de 3º ESO, que asistiu ao recitado de poemas por parte da poetisa, e tamén ao visionado de poemas musicados e videopoemas  seus.

Foi unha experiencia que sorprendeu a moitos alumnos e alumnas gratamente, pouco afeitos a abordar deste xeito a lírica.