A Denuncia do equilibrio (1986) foi o primeiro poemario da escritora Xela Arias, a quen se lle adica o Día das Letras Galegas deste ano 2021.
O alumnado que participa no proxecto Aula Verde homenaxeou a escritora facendo reinterpretacións da portada deste poemario utilizando elementos de reciclaxe. Cos carteis adornamos o noso instituto e participarán no concurso que teñen establecido por aulas no devandito proxecto Aula Verde.
Parabéns! Son espectaculares!
O Equipo da Biblioteca únese á celebración do Día das Letras Galegas 2021 adornando o recibidor do centro cun cartel realizado exprofeso e custodiado por uns monecos que encarnan o espírito das nosas tradicións ao vestir o noso traxe. Dende aquí dámoslle as grazas a Loli, do servizo de limpeza, que nos prestou os traxes e as zocas.
O alumnado de 2º ESO seleccionou palabras que comenzan con xe ou que a inclúen para realizar unha pequena homenaxe a Xela Arias no Día das Letras Galegas 2021. Xela con Xe é o lema que os motivou. Con eles adornamos as paredes do noso instituto.
Un dos traballos realizados polo alumnado de 3º de ESO para celebrar o Día das Letras Galegas foi investigar sobre as mulleres ás que se lles concedeu dita homenaxe.
O resultado foi exposto polos corredores do noso IES, e o EDLG premiou os mellores.
Velaquí as alumnas premiadas:
Aldara Baltar Baltar, de 3º ESO C.
Alumnado de 1º Bacharelato ofreceuse para ler unha escolma de poemas de Xela Arias, autora homenaxeada este ano no Día Das Letras Galegas. Quixeron deste modo honrar á poeta de Sarria.
Grazas a todos e a todas por participar!
O claustro do IES Xesús Ferro Couselo sumouse á homenaxe a Xela Arias neste Día das Letras Galegas 2021 coa lectura dun poema de Intempériome, poemario publicado no ano do seu pasamento, en 2003.
Grazas a todos e todas por participar!
