Co gallo do entroido, este curso ademais do habitual e xa asentado concurso de máscaras de entroido realizado con material de reciclaxe (e que reflicte o noso compromiso co respecto ao medioambiente dentro do programa da Escola Verde), levouse a cabo por parte dos departamentos de linguas unha actividade de recollida de información de como se celebra o entroido en Galicia, resto de España e noutros lugares do mundo. Coa información os alumnos e alumnas realizaron carteis escritos en galego, castelán, inglés e francés. Con eles adornáronse os corredores do instituto.
Na semana previa ao entroido tamén obedecemos as ordes do meco, que suxería disfraces para cada día da semana antes do festival de entroido do venres 21, onde tamén se faría a entrega dos premios do concurso de máscaras.
No hay comentarios:
Publicar un comentario
Queremos saber a túa opinión.