Gañadores do concurso de Tarxetas de Nadal

O día 1o rematou o prazo de presentación de tarxetas de Nadal para o concurso. O xurado formado por profesorado (Ana Glez., Adela, Javier, Manuel, Almudena, Raquel, Lourdes, Ana Rosa), dous alumnos (Daniel de 2º Bac. e Ángela de 3º ESO)  e persoal non docente (Elsa, MªElisa, Margarita, Mª José) tivo tres días para votar e, ao contabilizar os votos, o resultado foi o seguinte:

1º Premio:

Adrián García de la Fuente (2º ESO A)

2º Premio:

Adrián González López (1º ESO A)

3º Premio:

Paula Martínez Quintas (1º ESO A)

Velaquí os tres gañadores o día do festival do Nadal, cando lles entregamos os agasallos:

Outras das tarxetas participantes:

Grazas a todos por participar!!

E Feliz Nadal e mellor Aninovo!!

EDLG

Libros decorados

Quero compartir convosco un vídeo onde se mostran uns libros curiosos: teñen os lombos dourados decorados cuns debuxos que representan paisaxes, escenas de caza, personaxes medievais ou fermosas filigranas. Mesmo hai algún onde o debuxo cambia se o miramos nun sentido ou noutro. 

Imaxinades a dificultade á que se deberon enfrontar os artesáns que os decoraron?

Son dignos de ver, aquí vos deixo o vídeo:

Revista Ollos de aula

A Coordinadora Galega dos Equipos de Normalización e Dinamización Lingüística (CGENDL) edita a revista Ollos de aula. Déixovos aquí os tres números editados para que lle botedes unha ollada.

No glosario da de decembro podedes ver que se fala dos xoguetes do nadal, de darlle voltas a preguntas que formulan os pais como ¿temos que axudar os nosos fillos/as cos deberes? e outras reflexións.

Ollos de aula (nº 1, outubro 2012) from Coordinadora Galega ENDL

Ollos de aula. (nº 2, novembro 2012) from Coordinadora Galega ENDL

 

Ollos de aula. nº 3. Decembro de 2012 from Coordinadora Galega ENDL

Tarxetas de Nadal

Lémbrovos que tendes ata o día 10 para entregar as vosas tarxetas de Nadal para o concurso.

As bases están expostas no taboleiro do EDLG, pero vóuvolas recordar:

Tarxeta con temática de felicitación de Nadal

Escrita en lingua galega.

Tamaño cartolina e estilo libre.

Premios

1º premio:

Camiseta do EDLG e un libro.

2º premio:

Camiseta do EDLG e material escolar.

3º premio:

Material escolar.

Veña, animádevos a participar!

Deixo aquí algunhas das gañadoras en cursos pasados:

Día da Música

O Club de lectura As catro esquinas do Quinto celebrou o día da patroa da música, santa Cecilia (22 de novembro) cun concurso-exposición sobre libros que tratan deste tema.

Tamén elaboraron un boletín con libros recomendados  de temática musical que están á vosa disposición.

Podedes ver as bases, o premio  e o boletín se pinchades aquí.

Déixovos unhas fotos para que  vexades a exposición:

Magosto

O día 9 celebramos o magosto no instituto. Foi unha boa ocasión para xuntarnos e asar e comer castañas e chourizos.

Tamén houbo tempo para unhas pachangas de fútbol e parolar un anaco.

Premios do Concurso de Cabazas

O pasado día 31, reunido o xurado (formado por profesores, dous alumnos de 4º ESO e persoal non docente), procedeuse a fallar o resultado do Concurso de Cabazas de Samaín, sendo o resultado o seguinte:

 1º PREMIO:

Iago Estévez Fernández, de 1º ESO B.

Entrega o premio a súa titora, Paloma.

 

Velaquí a cabaza gañadora, non é terrorífica?

1º PREMIO

2º PREMIO:

Lara Fernández Sierra, tamén de 1º ESO.

Esta tamén dá medo!

   

2º PREMIO

  

 3º PREMIO:

 Rebeca López López de 1º ESO B.

Esta cabaza é moi xeitosiña, quere disimular que é espeluznante!!!

3º PREMIO

  

No apartado de profesorado, a gañadora foi Almudena Platero:

A súa cabaza é moi corsaria, he he!!

 

   

Noraboa aos gañadores!! 

E a todos os participantes, grazas polo esforzo e seguide colaborando, o seguinte premio pode ser voso!

Vede o resto de cabazas concursantes:

Cabazas de Samaín

 

O alumnado de 1º ESO  tamén elaborou tarxetas de Samaín cos seus monstros favoritos.

A expectación durante a entrega de premios foi ben grande.

 

Ademais  destas actividades, o alumnado de 1º ESO, dentro do Proxecto Interdisciplinar, elaborou uns carteis con termos propios de Samaín escritos en galego, francés e inglés:

Déixovos aquí uns exemplos:

 

Gracias, de novo, a todos pola participación, e quedades emprazados para o próximo concurso, que ha ser o de tarxetas de nadal.