Gañadores do concurso do Samaín 2016

Coas tarxetas sobre o Samaín que realizou o alumnado de 1º ESO adornouse o recibidor do instituto. Velaquí o resultado:

Por suposto estas tarxetas participaron nun concurso e o xurado escolleu o día 28 as seguintes como premiadas:

O 1º premio foi para  Anxo Estévez, de 1º ESO A

Houbo un empate no 2º premio, que compartiron ex-aquo Paula Orbán, de 1º ESO B e Gael Fernández, de 1º ESO A.

 

 Tamén tivemos un concurso de cabazas e adornos de Samaín. Este ano a participación foi ben escasa, non sabemos o porqué.

Levou o 1º premio o neno aterrador de Paula Carrera, de 3º ESO A e o 2º premio o escenario que elaborou Rebeca López de 1º bacharelato.

A profe Amalia Fernández foi a gañadora no apartado do concurso de cabazas de profes e persoal non docente. Representaba un pequeno vampiro.

Grazas a todos os participantes e parabéns aos gañadores!

Paula, Gael e Anxo.

 

 

 

 

 

Rebeca e Paula

Concurso de Samaín

SAMAÍN 2016

CONCURSO DE CABAZAS E OBXECTOS DE DECORACIÓN  PARA SAMAÍN

Para alumnado, profesorado e persoal non docente.

Data límite de entrega:27 de outubro. 

Haberá tres premios para o alumnado e un para o profesorado/persoal non docente :material escolar e
obxectos de Samaín. 

Exporanse no recibidor do centro todas as cabazas e os mellores obxectos de decoración participantes. 

Exporanse no blog todos os traballos resaltando os premiados. 

                        ANIMÁDEVOS A PARTICIPAR

Se queredes ver os traballos doutros anos premede na etiqueta  Samaín do menú.

Se preferides ler unhas boas lendas de medo recollidas por alumnos/as  deste centro, ide ao Samaín de 2014, premendo aquí. 

Se queredes información sobre esta festa, pulsade  aquí.

 

Curso 2016-17. Benvida!

Ola, lectores, visitantes e comunidade escolar do IES Xesús Ferro Couselo!

Xa estamos outro novo curso aquí, intentando incentivar o uso da nosa lingua e recollendo neste blog o froito da vosa participación e dos traballos, que espero que sexan, como mínimo tan xenerosos coma sempre (e se poden ser, máis). 

Seguides a ser tímidos á hora de comentar no blog ou facer suxestións. Sabede que desde hai dous cursos tendes outra vía para facelo: a través do twitter no EDLG: @ENDLFerro .

Este curso temos a dificultade engadida de que as terribles reducións de persoal fan imposible abarcar todo o que nos gustaría facer co alumnado e profesorado, así que intentaremos, polo menos, manter aquelas actividades con mellores resultados, aquelas orientadas aos propios alumnos.

De novo a que vos fala é a coordinadora do Equipo de Dinamización da Lingua Galega e a creadora deste blog, que manterei de momento.

E a actividade coa que iniciaremos o novo curso xa é tradicional no centro: celebrar a Festa do Samaín.

Déixovos aquí o enlace de información sobre esta festa:

O Samaín. 

Saúdos!

Begoña Calvo Álvarez.

 

Festival de final de curso (2015-16)

O día 22 de xuño celebramos con varias actividades este final de curso 2015-16.

Empezamos coa representación dunha adaptación de Anxélica ás portas do ceo, obra de Eduardo Blanco Amor, a cargo do noso grupo  O Quinto Teatro. María, Verónica, Yanelfy, Yaiza e Daniel ( de 1º e de 2º ESO) encarnaron eses tenros personaxes. Encargáronse de maquillaxe, son, iluminación e decorados alumnado de 4º ESO.

A continuación houbo un baile e unha actuación musical:

Rematamos esta xornada coa cata e resolución do concurso de cociña Receitas que resucitarán os mortos.

A convocatoria foi un éxito. Presentáronse moitísimos pratos e para o xurado foi ben complicado escoller as receitas gañadoras. Velaquí algúns dos pratos presentados:

O xurado na cata:

Os premios:

E finalmente os gañadores foron os seguintes:

Na Modalidade A cociña de Escarlatina (receitas baseadas nas que aparecen na novela Escarlatina, a cociñeira defunta, de Ledicia Costas, Premio Nacional de Literatura Infantil e Xuvenil 2015) o premio foi para as galletas Cookies de Gerardo Barge Ferreiro, de 1º ESO A.

Na modalidade xeral houbo dos premios:

o 1º Premio foi para a Bomba de chocolate de Sofía Pérez González, de 4º ESO B.

 O segundo premio logrouno Daniel Ferradás Rodríguez co seu polo rebozado:

Velaquí os tres gañadores:

Detalle dun dos mandís incluídos no premio:

E coa entrega dos premios damos por rematadas as actividades do Equipo de Normalización Lingüística deste curso escolar, desexando que pasedes un bo verán e que non deixedes de ler en galego e de falar a nosa lingua!

Bo verán e feliz descanso! 

Concurso de cociña

Para darlle un remate festivo ao curso e ao libro que lemos en 1º da ESO, Escarlatina, a cocieira defunta, o EDNL convoca un CONCURSO DE COCIÑA. Animámosvos a que participedes!

RECEITAS QUE RESUCITARÁN OS MORTOS

BASES: Haberá dúas modalidades: 1.       MODALIDADE 1: A cociña de Escarlatina a.       Só alumnado de 1º da ESO b.      As receitas poderán ser do libro Escarlatina, a cociñeira defunta, ou algunha variante destas. c.       Haberá un único premio. 2.       MODALIDADE 2: Calquera prato que se poida traer o día 22 ao Instituto para degustar. a.       Poderá participar todo o centro (alumnado, profesorado, persoal do centro...), incluídos os de 1º ESO. b.      Haberá un primeiro e un segundo premio. Prazo: Quen desexe participar deberá anotarse nas listas correspondentes (pasarase polas aulas e logo quedarán en conserxería) ata o día 15 O día 22 nada máis chegar entregaranse os pratos elaborados en conserxería, onde lle adxudicarán un número a cada participante segundo a modalidade. Xurado: Estará composto por dous alumnos/-as. Dous profesores/-as. Outros traballadores do Centro. Premios: ·         1 libro de cociña. ·         Caderno para receitario. ·         Equipamento de GRAN CHEF.