Tarxetas de Nadal

     O EDLG deséxavos que pasedes unhas felices festas de Nadal.

O alumnado de 1º e 2º de ESO elaborou tarxetas para engalanar o noso centro. 

Tertulia de profes

No Club de lectura As catro esquinas de Quinto, sección profes, tivemos a finais de novembro unha cea literaria para falar da obra Menú de enganos de Manuel Núñez Singala.

Gustounos moito esta proposta de Menú, con entrantes, primeiro prato, segundo prato e sobremesa, pois todos os relatos nos deixaban con ganas de máis.  Houbo para todos os gustos, pero neles o engano, o malentendido ou a burla faciánnos seguir ata o seguinte relato (prato). A ver se vós sentides o mesmo ao lelo!!

Ollos de aula

Déixovos aquí unha nova edición da revista Ollos de aula. Nela podemos atopar ideas para os agasallos de Nadal, tamén un enlace para os que vos gusten as ciencias e a tecnoloxía.

Un apartado interesante é a análise de como vai afectar ao ensino do galego a nova lei de educación (LOMCE). 

Dentro do apartado "Palabras do ensino" explícase que é e para que serve o departamento de Orientación.

Desde este enlace mesmo, podedes ollar a revista do mes pasado, que nos trae información sobre o acoso escolar, sobre o que é un proxecto interdisciplinar e suxestións de lecturas.

Labor educativo no Nepal

O día 19 o alumnado de 1º e 2º bacharelato asistiu no Auditorio Municipal á proxección da película Katmandú, un espello no ceo, da directora Icíar Bollaín. O filme está inspirado no labor educativo no Nepal da catalana Victoria Subirana. Despois do visionado, esta mestra catalá falounos dese labor e de aspectos da película que non reflicten na súa totalidade o drama que alí se está vivir.

«Katmandu, un espello no ceo» narra a historia de Laia, unha mestra catalá que se traslada a  Katmandú (Nepal) para traballar nunha escola  a mediados dos anos noventa. Alí descobre unha pobreza extrema e un panorama educativo desolador que, ademais, exclúe os máis necesitados. Tras contraer, ao seu pesar, un matrimonio de conveniencia para legalizar a súa situación, emprende un ambicioso proxecto pedagóxico nos barrios de choupanas da cidade, aínda que pronto se decata de que, para facelo realidade, necesita axuda. Ao mesmo tempo, de forma inesperada, namórase do seu marido. Seguindo a Sharmila, unha moza mestra nativa, emprende unha viaxe ata o fondo da sociedade nepalesa e, tamén, ata o fondo de si mesma. Drama baseada na historia real da mestra Victoria Subirana, unha catalá nacida en 1959, que descubriu que o seu traballo era moito máis útil nun país sen alfabetizar. 

A madrileña Icíar Bollaín é a responsable dun drama protagonizado pola actriz Verónica Echegui no que tamén interveñen Sumyata Battarai e Norbu Tsering Gurung. O guión foi realizado por Bollaín en colaboración con Paul Laverty.

Ficha técnica

Título orixinal: Katmandú, un espejo en el cielo.

Dirección: Icíar Bollaín 

País: España 

Ano: 2011 

Interpretación: Verónica Echegui, Sumyata Battarai, Norbu Tsering Gurung 

Producción: Media Films / Es Docu / TVE / Canal+ / TVE3

Música: Pascal Gaigne 

Duración: 104 minutos

2011: Premios Goya: Nominada á Mellor actriz (V. Echegui) e guión adaptado.

2011: Premios Gaudí: Mellor actriz (V. Echegui)

Parte do alumnado con Victoria Subirana

A actividade foi organizada polo departamento de inglés (vimos a película en versión orixinal subtitulada) e polas titoras respectivas dos cursos de bacharelato.

Magosto

     O venres 8 celebramos o magosto no instituto. Houbo un concurso de sobremesas da época e outro de castañas decoradas, ademais dun campionato de fútbol. Por suposto, e a pesar da chuvia incesante, fixemos unha pequeniña fogueira e asamos castañas. 

1º premio de sobremesas para a torta de queixo e galletas de Iria e Nerea (3º ESO)

1º premio

2º premio para as pastas de améndoas de Millán (1º bac.)

2º premio

1º premio do concurso de castañas decoradas para a escultura de Daniel Darío de 1º ESO A, que reproduce a un reno tirando do carro de Papá Noel.

1º premio

Reno e Papá Noel

Premios do Concurso de Cabazas de Samaín 2013

Pois este ano debeu ser mal ano de colleita de cabazas porque a verdade é que só houbo seis participantes na sección "alumado" e dous na de "profesorado", iso si, moi terroríficas todas.

O resultado das votacións foi moi axustada, pero velaquí os gañadores:

1º premio para a cabaza de Yanira Fernández de 1º ESO A.

 

2º premio para a cabaza de Samuel Bembibre, de 1º ESO A:

3º premio: Rebeca López. de 2º ESO A.

Na categoría de profes, o gañador por Javier Mosteyrín:

2º premio para a cabaza da profesora Paloma Losada:

Déixovos máis fotos das cabazas participantes e dos carteis que fixeron os de 1º ESO.

Os tres premiados:

Outros participantes: Nicolás, Daniel e Yeray.

O SAMAÍN

Un curso máis, co gallo da festa do Samaín, o EDLG convoca un concurso de cabazas terroríficas.

CONCURSO DE CABAZAS

Para alumnado e profesorado.

Data límite de entrega:

29 de outubro.

Haberá tres premios para o alumnado 

e un para o profesorado:

material escolar e 

obxectos de Samaín.

Exporanse no recibidor do centro todas as cabazas participantes.

ANÍMATE E PARTICIPA!!

Déixovos aquí unhas fotos de cabazas gañadoras outros cursos:

Para os que descoñezades a orixe desta festa, cliclade en aquí e veredes outra entrada neste blogue que fala dela.